Ang mga bata ay mayroon pang malalambot na mga katawan, kaya naman kayang-kaya nilang umupop at humiga sa mga kakaibang anggulo. Ngunit hindi pala ibig sabihin na kaya nila itong gawin sa ganoong edad ay hahayaan lang dapat sila! Minsan pala kasi ay may sinisingil na kapalit sa paglaki ng bata ang pag-upo o paghiga sa ganitong kakaibang mga anggulo! Kagaya na lamang ng 'W'' sitting position, na pag-uusapan natin ngayon.
Madalas natin itong makitang ginagawa ng mga maliliit na bata-- iyong upo na nakabukaka, nakaturo paharap ang mga tuhod, at naka-anggulo palikod sa tabi ng puwet ang mismong mga paa.
According sa isang child physiotherapist, maaari daw itong makasagabal sa pag-debelop ng mga balakang ng mga bata. Dahil nagiging awkward ang tayo ng mga buto, nahihirapang lumaki ang balakang ng mga umuupo sa ganitong pamamaraan. Nariyan din na maaaring maging piki ang mga batang gumagawa nito, o iyon bang paloob ang bawat hakbang. Hindi ito magandang tignan lalo na sa mga matatanda.
Madali rin daw makuba ang mga batang mahilig umupo ng ganito. Pati ang ilang mga muscle sa katawan ng bata ay maaari ring hindi lumaki ng tama dahil sa kakaibang paraan ng pag-upo na ganito! Pati raw ang likod ng hita ay maaaring maka-engkwentro ng kung anu-anong mga sakit!
Kaya raw pag tungtong pa lang ng ating mga anak sa edada na tatlong taong gulang, kailangan na silang pagsabihan sa tuwing nakikita natin silang umuupo ng ganito. Maaari kasing napaka-kumportable sa kanila ng ganoong upo lalo na kapag naglalaro, ngunit kung magiging sanhi pa to ng problema sa kanilang paglaki ay mas mabuti nang maitama kaagad.
Crucial daw na bago umabot sa anim na taong gulang ay naayos na at naturuan na ng tamang pag-upo ang mga chikiting upang hindi magkaproblema sa pagdedebelop ang kanilang mga katawan!
Source: Good Times